Երեկ` ժամը 16.40-ին, «Մուրացան» համալսարանական հիվանդանոցից ոստիկանության Շենգավիթի բաժնում հաղորդում է ստացվել, որ ծնոտի կոտրվածքով իրենց մոտ բուժօգնության է դիմել 33-ամյա Նազենի Մ.-ն, որը հայտարարել է, թե տան աստիճանից վայր է ընկել: Սակայն ոստիկանները պարզել են, որ հունիսի 3-ին Արշակունյաց պողոտայում գործող մի գիշերային ակումբի հանդերձարանում նրան ձեռքով հարվածել եւ վնասվածքը պատճառել է ակումբի տնօրեն Գարիկ Ղ.-ն: «Նշանակվել է դատաբժշկական փորձաքննություն, ձեռնարկվում են միջոցառումներ տնօրենին հայտնաբերելու ուղղությամբ»,- տեղեկացնում են ոստիկանության մամլո ծառայությունից: