Աշխարհի գավաթի համար պայքարում ավարտվեց նաև Ճապոնիա-Կամերուն հանդիպումը` 1:0 հաշվով:  Հաղթական գնդակը 39-րդ րոպեին խփեց Մոսկվայի «ԲԿՄԱ»-ի հարձակվող Կեյսուկի Հոնդան: Չնայած Կամերունի կազմում էին նաև եվրոպական հայտնի թիմերում խաղացող ֆուտբոլիստներ, մասնավորապես Միլանի «Ինտերի» հարձակվող Սամուել Էտո'Օ-ն, այդուհանդերձ, կամերունցիներին չհաջողվեց գնդակը գլորել ճապոնացիների դարպասը: Երկրորդ խաղակեսում ճապոնացիներն ավելի շատ պաշտպանողական խաղ ցուցադրեցին` թույլ չտալով կամերունցիներին հավասարեցնել հաշիվը: