«Աղմկոտ» համաձայնության պայմաններում Չնայած հերթական խորհրդարանական ընտրություններին դեռ մոտ երկու տարի ժամանակ կա, սակայն հատկապես իշխանություններն արդեն ինտենսիվորեն պատրաստվում են դրանց: Բացառված չէ, իհարկե, նաև` արտահերթ զարգացումներին պատրաստ լինելու անհրաժետությունից ելնելով: Ավելին, իշխանությունները ոչ միայն պատրաստվում են ընտրություններին` համապատասխան լծակներ ու կառույցներ կոորդինացնելով, այլև իշխանական շրջանկներում նույնիսկ արդեն խոսում են ապագա խորհրդարանի նախնական քարտեզի մասին, որ մշակվել է ՀՀԿ-ականների կողմից: Ըստ այդմ, այսօր, ըստ էության, միանձնյա իշխանություն ունեցող ՀՀԿ-ականները նախատեսում են, որ հաջորդ ԱԺ-ում ավելի քիչ տեղեր ունենա կոլաիցիոն ներկայիս և նախկին գործընկերները` ԲՀԿ-ն ու ՀՅԴ-ն, իսկ «Օրինաց երկիրն» ընդհանրապես չի մտնելու խորհրդարան: Նույն ճակատագիրը, ըստ որոշ հանրապետականների «գծած քարտեզի», սպասվում է նաև «Ժառանգությանը», որը, թեև իշխանության համար միանգամայն ձեռնտու ընդդիմադիր ուժ է, սակայն նախորդ ընտրություններից հետո զգալիորեն հեղինակազրկվել է հասարակության շրջանում: Եվ ահա, իշխանական շրջանակներում մտածում են, որ «Ժառանգության» տերը կարող է լրացնել Հայ ազգային կոնգրեսը, որը, չնայած հրապարակային գործողություններով դեռևս հանդես է գալիս «արմատական ընդդիմության» դիրքերից, սակայն ֆունկցիոնալ առումով խորհրդարանում կարող է ավելի լավ կատարել այն դերը, որը գործող ԱԺ-ում կատարում է «Ժառանգությունը»: Իհարկե, սրանք դեռևս ընդամենը նախնական վարկածներ են, որոնք կարող են փոփոխության ենթարկվել իրադարձությունների զարգացման այս կամ այն ընթացքի դեպքում: Իսկ իշխանությունների կողմից արդեն այսօր նման սցենարներ մշակելու «հանդգնությունը» պայմանավորված է ներկայիս քաղաքական իրավիճակով, որը, չնայած արտաքին դրսևորումներին, իրականում խաղաղ է առավել քան երբևէ: Համազեկուցողները խուսափո՞ւմ են Հայաստան գալ Դեռ մայիսին կատարած այցի ընթացքում ԵԽԽՎ նախագահ Մեւլութ Չավուշօղլուն, ըստ էության, ստիպված էր եղել տեղի տալ «Մարտի 1»-ի զոհերի հարազատների պահանջներին և 15 րոպեով հանդիպել նրանց հետ: Հանդիպման ժամանակ  Չավուշօղլուն Հայաստանի հարցով համազեկուցողներ Ժորժ Կոլումբիեի և Ջոն Պրեսկոտի` գարնանը Հայաստան կատարելիք այցի ուշացումը բացատրել է նրանցից մեկի առողջական խնդիրներով` խոստանալով, որ առաջիկայում նրանք կայցելեն Հայաստան ու անպայման կհանդիպեն զոհերի հարազատների հետ: Այդ այցն այդպես էլ տեղի չունեցավ: Հետմահու Մարդու իրավունքների Եվրոպական դատարանը բավարարել է 58-ամյա Աշոտ Հարությունյանի գանգատը Հայաստանի դեմ: Բազմաթիվ հիվանդություններով տառապող Հարությունյանը պատժի ժամկետը լրանալուց մեկ տարի առաջ մահացել է կալանավայրում: Տնտեսական հանցագործության համար մեղադրվող և 2003թ-ից անազատության մեջ գտնվող Աշոտ Հարությունյանը դատապարտվել էր 7 տարվա ազատազրկման: Եվրադատարանը, բավարարելով Հարությունյանի գանգատը որոշել է, որ խախտվել է Եվրոպական կոնվենցիայով սսահմանված իրավունքները, ինչի դիմաց Հայաստանը 16 հազար եվրո փոխհատուցում պետք է վճարի Հարությունյանի դստերը: «Արմենիան» կփոխի՞ նկարագիրը Թերթի տեղեկություններով` «Արմինիա» հեռուստաընկերությունը, Ջերալդ Գաֆեսճյանի բաժնեմասի վաճառքից հետո լարվածություն է ստեղծվել: Ինչպես մամուլում էին գրել, հեռուստաընկերության բաժնեմասը գնել է Սերժ Սարգսյանի փեսա Միքայել Մինասյանը, սակայն ոչ թե 50, այլ 51 տոկոսը: Այսինքն` գերիշխող փաթեթը, ինչը նշանակում է, որ Միքայել Մինասյանը ոչ միայն պարզապես բաժնետեր է, այլև վերահսկելու է ֆինանսական ելքն ու մուտքը, ինչը, թերթին հասած տեղեկություններով, բավականին ծանր են տանում 49 տոկոսի սեփականատեր Սարգսյանները: Թեև Գաֆեսճյանը մի քանի ամիս առաջ 40 մլն դոլար էր պահանջում իրեն պատկանող գերիշխող փաթեթի համար, սակայն, թերթի տեղեկություններով, այն չի վաճառվել նույնիսկ մամուլում տարածված 25 մլն-ով, իրականում «Արմենիայում» եղանակ փոխող փաթեթը ձեռք է բերվել 5 մլն դոլարով: Սույն տեղեկությունների և ընդհանրապես «Արմենիայում» տիրող իրավիճակի վերաբերյալ փորձեցինք լսել հեռուստաընկերության տնօրեն Գագիկ Մկրտչյանի մեկնաբանությունը, սակայն վերջինս սկզբում ասաց, որ «զբաղված է, հետո զանգենք», ապա դադարեց ընդհանրապես զանգերին պատասխանել: Իսկ հեռուստաընկերության տերերը` Սարգսյանները` «տեղում չէին»: Թերթի տեղեկություններով «Արմենիայի» սեփականատիրոջ փոփոխության մասին լուրերը տարածում են հենց Սարգսյանները, որոնք մի կողմից դժգոհ են գործարքից, մյուս կողմից` լուրեր են շրջում, թե պատրաստվում են իրենց փայաբաժինը վաճառել, և այժմ թանկ վաճառելու խնդիր ունեն: Վարդան Խաչատրյանի կարողություններն ավելացել էին ՀՀ ֆինանսների նախկին նախարար Վարդան Խաչատրյանը, որն այսօր աշխատում է նախագահի նստավայրում, վերջին տարիների ընթացքում լուրջ կարողություններ է ձեռք բերել: Թերթի լավատեղյակ աղբյուրներից հայտնի դարձավ, որ Սերժ Սարգսյանի խորհրդական Վարդան Խաչատրյանը Վայոց Ձորի մարզում հարյուրավոր հեկտարներով հողեր է ձեռք բերել: Ըստ նույն աղբյուրների, Խաչատրյանը հողերը ձեռք է բերել կադաստրային արժեքից մոտ 30 տոկոս ցածր գնով,  և դրանք գրանցել է ինչպես իր, այնպես էլ որդու, կնոջ, զոքանչի և այլ մարդկանց անուններով: Թե ինչ է պատրաստվում անել այդքան կարողությունը, ակնհայտ է նաև մարզի բնակիչների համար: Միայն հավելենք, որ այդ մարզում որպես արոտավայր վաճառված շատ հողակտորներ հետագայում վերածվել են հանքերի: Այսինքն` վաճառքը ձևակերպվել է որպես արոտավայր, բայց հետագայում հանքեր են շահագործվել այդ հատվածներում: «Բացահայտել են» ՀՀ ՊԵԿ նախագահ Գագիկ Խաչատրյանի դեմ անցած տարի մահափորձ կազամերպելու մեջ մեղադրվող Գագիկ Մաթևոսյանը (Մուկուլ Գագո) և նրա խմբի անդամները մեղադրվում են նաև Շահեն Հովասափյանի դեմ մահափորձ կազմակերպելու մեջ: ՀՀ ԱԱԾ քննչական վարչությունը փորձել է Մուսկուլ Գագոյի խմբին վերագրել վերջին տարիների բոլոր աղմկոտ սպանությունները, բայց դա ստացվել է միայն Հովասափյանի գործով: