Այսօր Ազգային ժողովի Պաշտպանության, ազգային անվտանգության եւ ներքին գործերի մշտական հանձնաժողովի` ոստիկանության ընթացիկ բարեփոխումների թեմայի շուրջ նիստի ժամանակ տեղի ունեցավ բարեփոխումների ռազմավարության քննարկումը:  ՀՀ ոստիկանության  ղեկավարի տեղակալ Արթուր Օսիկյանը ներկայացրեց  ոստիկանության բարեփոխումների հիմնական ուղղությունները, որոնք կկիրառվեն  ոստիկանության գործունեության բոլոր  ոլորտներում ողջ երկրի մասշտաբով: Երկրում բարեփոխումների փաթեթը նաև ներառում է ԵԱՀԿ աջակցությամբ մշակված համայնքային ոստիկանության մոդելի կիրառում, ոստկանության կրթության, ոստիկանություն-լրատվամիջոցներ հարաբերությունների, հանրային կարգի պահպանման կատարելագործում: Ոստիկանության բարեփոխման ծրագրում նաև նախատեսվում է գենդերային ռազմավարության մշակում ԵԱՀԿ աջակցությամբ:  Ժողովրդավարական իրավապահ համակարգի խթանման և անվտանգության ոլորտի ներկայացուցիչների հմտությունների կատարելագործման ուղիները, ինչպես նաև օրենսդրական և կառուցվածքային փոփոխությունների նախաձեռնությունը քննարկվեց Պաշտպանության, ազգային անվտանգության եւ ներքին գործերի մշտական հանձնաժողովի նախագահ Հրայր Կարապետյանի, խորհրդարանականների, պետական համակարգի այլ ներկայացուցիչների, քաղաքացիական հասարակության ներկայացուցիչների և անվտանգության ոլորտի փորձագետների կողմից:   «Մեր արդյունավետ համագործակցության շնորհիվ մենք մարդու և քաղաքացու իրավունքների պաշտպանությունը դարձրել ենք բարեփոխումների հիմնական նպատակներից մեկը, որը և անկասկած կխթանի անվտանգություն էլ ավելի բարձրացումը և վստահությունը ոստիկանության նկատմամբ: Ժողովրդավարական իրավապահ համակարգը առանցքային նշանակություն ունի օրենքի գերակայության և ժողովրդավարության հիմնարար սկղբունքների խրախուսման գործում», - հավելեց նա:  ԵԱՀԿ  երևանյան գրասենյակը համագործակցում է  ՀՀ ոստիկանության հետ` իր ներդրումն ունենալու ոստիկանության բարեփոխումներում և խթանելու ժողովրդավարական ոստիկանությունը Հայաստանում:  Այս մասին հայտնում է ԵԱՀԿ երևանյան գրասենյակի մամուլի և հանրային տեղեկատվության բաժինը: