Ինչո՞ւ Ալիեւը փախավ Սանկտ Պետերբուրգից Ադրբեջանի նախագահ Իլհամ Ալիեւը Հայաստանի եւ Ռուսաստանի նախագահների, ինչպես նաեւ ԵԱՀԿ Մինսկի խմբի համանախագահների հետ հանդիպումներից հետո շտապ վերադարձել է Ադրբեջան: Այս փաստն ուշագրավ է նրանով, որ մինչ այդ Ադրբեջանի նախագահօ մամլո ծառայությունը տեղեկացրել էր, թե ԻԼհամ Ալիեւը Սանկտ Պետերբուրգ է մեկնում Միջազգային տնտեսական ֆորումին մասնակցելու նպատակով, որի շրջանակներում էլ հանդիպում է ունենալու Հայաստանի եւ Ռուսաստանի իր պաշտոնակիցների հետ: Սակայն փաստը մնում է փաստ, որ Ալիեւը շտապ հեռացել է Սանկտ Պետերբուրգից եւ անհայտ պատճառներով չի մասնակցել ֆորումին: Ռուս խաղաղապահները Ղարաբաղո՞ւմ Դիվանագիտական աղբյուրները հաղորդում են, որ Սանկտ Պետերբու8գում Սերժ Սարգսյանի հետ ռուսները քննարկել են առաջիկայում` առաջին փուլով Աղդամի, Ֆիզուլիի եւ Զանգելանի շրջանները հանձնելու տարբերակը, եւ որ այդ շրջաններում եւ բուն Ղարաբաղում տեղակայվեն ռուսական խաղաղապահները: Իսկ դրա դիմաց խոստացվել է այդ շրջանների համար 88 թվականի` Անատոլի Վոլսկու ժամանակվա կարգավիճակը: Հայ-հրեական համագործակցություն Բոստոնում Բոստոնում գործող «Հայ-հրեական կոալիցիան» 12 հազար ստորագրություն է հավաքել, որ Հայոց Ցեղասպանությունը ճանաչելու պահանջով ներկայացնի ԱՄՆ Կոնգրեսին եւ նախագահ Բարաք Օբամային: Ստորագրահավաքի կազմակերպիչները ենթադրում են ստրոգրությունները հասցնել 15 հազարի: Գնալու տեղ կամ ցանկություն չունեն «Մենք եղել ենք, կանք ու մինչեւ սահմանադրական կարգի վերկանագնումը լինելու ենք ընդդիմության շարքերում: Որեւէ տեղ գնալու ոչ ցանկություն ունենք, ոչ էլ փորձ ենք կատարում: Մենք այստեղ ենք, ՀԱԿ-ում ենք եւ աշխատելու ու պայքարելու ենք այնպես, ինչպես աշխատել եւ պայքարել ենք»,- երեկ «Առավոտի» հետ զրույցում պատասխանելով ՀՀՇ-ՀԱԿ փոխհարաբերություններին վերաբերող հարցին` ասաց ՀՀՇ վարչության արդեն նախկին նախագահ Արարատ Զուրաբյանը: Դավիթ Հարությունյանը պետք է հրաժարական տա «Հունիսի 21-ին մեկնարկող ԵԽԽՎ նստաշրջանում Հայաստանի դեմ հերթական որոշումը կկայացվի»,- այսպիսի կարծիք է երեկ հայտնել Հայ Ազգային Կոնգրեսի արտաքին հարաբերությունների հանձնաժողովի անդամ Վլադիմիր Կարապետյանը: Նրա համոզմամբ` ամառային նստաշրջանի շրջանակներում ԵԽԽՎ Բյուրոն հավանություն կտա ԼՂ հարցով հատուկ հանձնակաժողովի վերստեղծմանը: «Հաշվի առնելով, որ սա թուրք-ադրբեջանական նախաձեռնություն է, եւ հանձնաժողովում ընդգրկվելու են թե ադրբեջանցի եւ թե թուրք պատգամավորներ, կա լրջագույն մտահոգություն, որ հանձնաժողովի  կողմից ընդունվելիք փաստաթուղթը լինելու է ադրբեջանանպաստ, պարունակելու է մեզ համար շատ վտանգավոր դրւոյթներ»,- հայտարարել է Վլադիմիր Կարապետյանը: Ըստ նրա` այս իրավիճակից ելքը մեկն է` բոլոր այն պաշտոնյաները, պատգամավորներն ու դիվանագետները, ում պատճառով մեկը մյուսի հետեւից պարտություններ են գրանցվում, պետք է հրաժարական տան, եւ առաջաին հերթին դա պետք է անի ԵԽԽՎ-ում ՀՀ պատվիրակության ղեկավար Դավիթ Հարությունյանը: