Մայրաքաղաք Երևանում այս պահին հորդառատ անձրև է տեղում: Բաղրամյան փողոցը դժվար երթևեկելի է դարձել: Տրանսպորտային միջոցները կարողանում են մեծ դժվարությամբ շրջանցել ջրափոսերը: Այս պահին անանցանելի է նաև Լենինգրադյան փողոցը, որն ուժեղ անձրևներից որոշ ժամանակ կաթվածահար է լինում: Լենինգրադյանից Մալաթիա-Սեբաստիա ուղևորվող մեքենաները ստիպված իրենց երթուղին փոխում և բարձրանում են Շինարարների փողոցով: Դժվարանցանելի են նաև Կիևյան և Հալաբյան փողոցները: Հալաբյան փողոցում մի քանի մեքենաներ մնացել են անձրևից առաջացած ջրափոսերի մեջ: Իսկ ԴԱՀԿ շենքից վերև նույնիսկ փողոցի լույսերն են հանգել: Աջափնյակ համայնքի Ֆիզիկայի խաչմերուկից մինչև Հանրապետական հիվանդանոց  խցանումներ են: Մեքենաների շարան է առաջացել նաև Ֆուչիկի փողոցում: