Դեռեւս չպարզված հանգամանքներում` հունիսի 19-ի գիշերը «Մոսկվիչ» մակնիշի 12 ՍԼ 004 պետհամարանիշի ավտոմեքենան դուրս է եկել Երեւանի Անդրանիկի եւ Րաֆֆու փողոցների խաչմերուկի երթեւեկելի մասից եւ բախվել օղակաձեւ խաչմերուկի սյունաշարին, ինչի հետեւանքով վարորդը տարբեր աստիճանի մարմնական վնասվածքներ է ստացել: Մինչ փրկարարների` դեպքի վայր հասնելը, շտապօգնության բրիգադի կողմից ավտոմեքենայից դուրս է բերվել Արմավիրի մարզի Արագած գյուղի բնակիչ, 29-ամյա Սեդրակ Հովհաննիսյանը եւ տեղափոխվել Երեւանի “Մալաթիա” բժշկական կենտրոն: Հիվանդանոցի ճանապարհին Ս. Հովհաննիսյանը մահացել է: