Հայեցի մազոխիզմ Հայաստանում օտարալեզու դպրոցների վերաբացմանը կողմ քվեարկելուց հետո Գալուստ Սահակյանը հայտարարել է, թե ինքը գոհ է, որ «գոնե ծվեններ են մնացել, որ զորավիգ են կանգնել հայոց լեզվին»: «ՉԻ» - Փաստորեն, Գալուստ Սահակյանը գոհ է, որ այդ «ծվենները» սուլոցներով ու «դավաճաններ» վանկարկումներով էին ողջունում իրենց մուտքը նիստերի դահլիճ: Բայց խնդիրը դա չէ: Պատկերացրեք, ավազակները մտնում են մեկի տուն, տանտերերին կապկպում, տան եղած-չեղածը լցնում մեշոկների մեջ, ու դուրս գալուց առաջ նրանցից մեկը շրջվում է ու ասում, թե ինքը գոհ է, որ տանտերն իր մեջ համարձակություն է գտել ու փորձել դիմադրել: Գալուստ Սահակյանն իր այս հայտարարությամբ փաստորեն ընդունում է, որ իրենց քայլն ուղղված է հայոց լեզվի դեմ: Ավելին` նա խոստովանում է, որ լիովին գիտակցում է դա, և իրականում իր համակրանքը «ծվենների» կողմն է: Պարզապես տուն պահելու «մոմենտ» կա, հազարումի պրոբլեմ կա, ու ինքը ստիպված է կողմ քվեարկել այդ օրենքին: Միանգամից ասենք` նման արդարացումները գրոշի արժեք չունեն: Սա պարզապես այդ դեպքը չէ: Թույլատրելի ծավալից շատ է լիցքավորել Հունիսի 23-ին Իջևանի մոտակայքում տեղակայված ԱԳԼՃԿ-ում տեղի ունեցած պայթյունի հետևանքով առաջացած վնասվածքի պատճառով Իջևանի բժշկական կենտրոն տեղափոխված, Տավուշի մարզի Դիտավան գյուղի բնակիչ Վ. Սարդարյանի վիճակը լավ է: Ինչպես «Հրապարակին» տեղեկացրել է բժշկական կենտրոնի տնօրեն Հրաչյա Ներսիսյանը, Սարդարյանի վնասվածքը թեթև է եղել, և ստացիոնար բուժում նշանակելու անհրաժեշտություն չի եղել: Դեպքից անմիջապես հետո կրծքավանդակի սալջարդով, գլխի սալջարդային վերքով բուժկենտրոն տեղափոխված տուժողը նույն օրն է դուրս գրվել: Դեպքի վայրում գտնվող ականատեսներից մեկը պայթյունի առնչությամբ ասել է, որ փաստորեն, լցակայանում լիցքավորող է աշխատում հենց Վ. Սարդարյանի որդին: Վերջինս հավանաբար ցանկացել է ավտոմեքենան լավ լիցքավորելով` հորը լավություն անել: Գազը լիցքավորել է թույլատրելի ծավալից շատ, և բալոնը, չդիմանալով ուժեղ ճնշմանը, պայթել է: Չնշանակեցին ՀՀ կառավարության երեկ տեղի ունեցած նիստում այդպես էլ Վայոց ձորի մարզպետ նշանակելու հարցը չլուծվեց: Կոալիցիոն քվոտայով ԲՀԿ-ին տրված այդ պաշտոնը մարզպետ Վարդգես Մաթևոսյանի հանկարծամահ լինելու պատճառով թափուր է: Մարզպետներին նշանակում է կառավարությունը: Երկու օր առաջ ԲՀԿ նախագահ Գագիկ Ծառուկյանի մամուլի քարտուղար Խաչիկ Գալստյանը լրագրողներին ասել էր, որ իրենց կուսակցությունը Վայոց ձորի մարզպետի պաշտոնում առաջարկել է Սերգեյ Բագրատյանի թեկնածությունը: Երեկ թերթի թղթակիցը ՀՀ վարչապետի օգնական Արամ Անանյանից փորձել է պարզել, թե կառավարության այս նիստում Վայոց ձորի մարզպետի հարցը չքննարկելն արդյոք ենթադրում է, որ վարչապետը կամ կառավարության անդամները դեմ են ԲՀԿ-ի ներկայացրած թեկնածուին: Հարցադրմանն Անանյանը պատասխանել է. «Վայոց ձորի մարզպետի նշանակման մասին հանրությունը ժամանակին կիրազեկվի»: Որոշ գործերով սպասվում են ՄԻԵԴ վճիռներ Փաստաբանների պալատի անդամ, փաստաբան Վահե Գրիգորյանը, որը ստանձնել է ՀՀ մի շարք քաղաքացիների շահերի պաշտպանությունը ՄԻ Եվրոպական դատարանում, երեկ թերթի հետ զրույցում տեղեկացրել է, որ ՄԻԵԴ-ին իր կողմից ներկայացված գանգատները` և քաղաքացիական, և քրեական գործերով, ավելի քան 30-ն են, և դրանք, կախված ներկայացման ամսաթվից, գտնվում են դատավարության տարբեր փուլերում: «Որոշների մասով դեռ կառավարությանը հաղորդակցվելու փուլը չի սկսվել, կան հաղորդակցման փուլում գտնվող մի շարք գործեր, իսկ այն գործերը, որոնք ներկայացված են եղել 2005-2006թթ., մեր և կառավարության միջև հաղորդակցության, դիտարկումների և արդարացի փոխհատուցման պահանջների փուլերն արդեն իսկ ավարտված են, և կողմերը սպասում են ՄԻԵԴ վճռին»,- ասաց Վահե Գրիգորյանը: Դատական հայց Գերմանիայի դեմ` ընդունելու Ցեղասպանությունն ու իր պատասխանատվությունը Գերմանահայ փաստաբան Ստեփան Թաշչյանը Բեռլինի վարչական դատարան անհատական հայց է ներկայացրել` Գերմանիայի կառավարությունից պահանջելով 1915-16թթ. հայ ժողովրդի ջարդերը ճանաչել որպես Ցեղասպանություն: Թերթի հետ հեռախոսազրույցում Ս. Թաշչյանը տեղեկացրեց, որ վարչական դատարան ներկայացված հունիսի 21-ի նույն հայցով նաև պահանջ է ներկայացվել, որ ԳԴՀ-ն ընդունի իր պատասխանատվությունն այդ Ցեղասպանության համար: Պատասխանատվության հարցում հենց ԳԴՀ-ին է հասցեագրված հայցը, քանի որ Գերմանիայի Դաշնային սահմանադրական դատարանի համաձայն` գերմանական երկրորդ Ռայխի (կայզերական Գերմանիայի) իրավահաջորդը ԳԴՀ-ն է: Հանգիստ պետք է վերաբերվել «Իհարկե, սուլոցների, հայհոյանքների տարափի տակ ԱԺ դահլիճ մտնելը որևէ մեկի համար հաճելի չէ: Բայց վերջին հաշվով` մեր քաղաքացիների իրավունքն է, և նրանք իրացնում են այդ իրավունքը: Կոնկրետ ես դրա դեմ ոչինչ չունեմ. մենք ապրում ենք մի երկրում, որտեղ ցանկացած մեկը կարող է իր տեսակետներն արտահայտել հանրային որոշակի հետաքրքրություններ ներկայացնող ցանկացած հարցի վերաբերյալ: Այլ բան է, որ բողոքի նման դրսևորումները երբեմն անցնում են կոռեկտության սահմանը: Ամեն դեպքում սա քաղաքացիական հասարակության անբաժանելի ատրիբուտներից մեկն է, այնպես որ, կարծում եմ, հնարավորինս հանգիստ պետք է վերաբերվել այդ դրսևորումներին»,- անդրադառնալով կառավարության նիստերի դահլիճի մուտքի մոտ հավաքված օտարալեզու դպրոցների բացման դեմ բողոքներին` թերթին թղթակցին ասել է Արտակ Դավթյանը: