Մեկ ամսից ավել է` Վրաստան-Ռուսաստան սահմանային Վերին Լարս անցակետում երթևեկությունն անխափան գործում է, մեծ բեռնատարների և մեծ ավտոբուսների փոխադրումներ իրականացվում են, սակայն դեռևս կան խնդիրներ: Այսօր Տրանսպորտի և կապի նախարար Մանուկ Վարդանյանը լրագրողների հետ հանդիպման ժամանակ նշեց, որ 5-6 տարի այդ ճանապարհը չի գործել, վատ վիճակում են նաև թունելները: Նախարարի վրաստանցի գործընկերները խոստացել են աջակցել, և ասֆալտապատել 12-13 կմ հատվածը, որպեսզի թունելներից խուսափեն և կարողանան անխափան երթևեկություն ապահովել: