Հասկացանք` ունեն հարստություն, ոգևորված են ՀՀ օրենսդրության պահապանների, այդ  թվում` ՀՀ նախագահի անգործությունից, ունենք չքավոր ընտրազանգված, սակայն, դա չի նշանակում, որ կարելի է կորցնել ամեն սրբություն և շարունակել հպարտորեն ոտնահարել մեր երկրի օրենսդրությունը, մասնավորապես` 1. պատգամավորը /Գ.Ծառուկյան/ չի կարող զբաղվել ձեռնարկատիրական գործունեությամբ /ՀՀ Սահմանադրության 65-րդ հոդված/, 2. պետական պաշտոն զբաղեցնող կուսակցության անդամը /Հ.Քուշկյան/ իրավունք չունի իր ծառայողական /պաշտոնեական/ դիրքն օգտագործել հօգուտ կուսակցական շահերի /«Կուսակցությունների մասին» ՀՀ օրենքի 10-րդ հոդված/, 3. կուսակցությունը /ԲՀԿ/ բարեգործական կազմակերպություն չէ /«Բարեգործության մասին» ՀՀ օրենքի 11-րդ հոդված/ կամ չի կարող բարեգործական գործունեություն իրականացնել /«Կուսակցությունների մասին» ՀՀ օրենքի 3-րդ հոդված/, 4. ամեն ծախս չէ, որ բարեգործական է համարվում /«Բարեգործության մասին» ՀՀ օրենքի 14-րդ հոդված/: Վերջին հաշվով, բարեգործության գնահատողները հեռուստաընկերությունները չեն: «Մարդու իրավունքներ - 96» կուսակցության նախագահ Ռ.Թորոսյան