Ախուրյանի ոստիկանության բաժնից Հայաստանի փրկարար ծառայությունը նախօրեին` ժամը 23.25-ին, տեղեկություն է ստացել, որ Բայանդուր գյուղում գազալիցքավորում կատարելուց հետո, «ԳԱԶել» մակնիշի 20 00 Լ համարանիշի ավտոմեքենայում տեղի է ունեցել գազի բալոնի պայթյուն: Պատահարի հետեւանքով զոհվել է 60-ամյա Սիսակ Բաղդասարյանը, իսկ 34-ամյա Հենրիկ Բաղդասարյանը տեղափոխվել է Գյումրիի Գյուլպենկյանի անվան հիվանդանոց: «Ըստ բժիշկների` Հ. Բաղդասարյանի վիճակը գնահատվում է խիստ ծանր»,- տեղեկացնում են Փրկարար ծառայության մամլո գրասենյակից: