«Հենարան» մամուլի ակումբի Henaran.am տեղեկատվական կայքն այսօր առավոտյան ենթարկվել է ադրբեջանական հակերների հարձակման: Խմբագրության աշխատակիցներն առավոտյան իրենց կայքում «Հենարանի» լուրերի փոխարեն գտել են սեւ ֆոնի վրա պատկերված ադրբեջանական դրոշն ու ադրբեջանական կայքերի հասցեներ: Henaran.am-ի խմբագիր Մարիամ Մուղդուսյանը «Հետքին» ասաց, որ իրենք արդեն վերականգնել են տեխնիկական խոտանը.  «Վերջին շրջանում շատ ենք անդրադարձել ղարաբաղյան հակամարտությանը, համարժեք պատասխան ենք տվել ադրբեջանական ապատեղեկատվությանը, նաեւ «Հենարանում» ասուլիս էինք հրավիրել տեղեկատվական պատերազմներ թեմայով, ինչն էլ, հավանաբար, դուր չի եկել ադրբեջանցիներին»,- ասում է Մարիամ Մուղդուսյանը: