Երեւանի քաղաքպետարանի տեղեկատվության եւ հասարակայնության հետ կապերի վարչությունից տեղեկացնում են, որ այս տարի էլ, նախորդ տարվա նման, ծաղկապատվել են ոչ միայն կանաչ տարածքներն ու պուրակները, այլև մայրաքաղաքի կամուրջները: Երևանի քաղաքապետ Գագիկ Բեգլարյանի հանձնարարությամբ մայրաքաղաքում կանաչապատման ծավալուն աշխատանքներին զուգահեռ, հիմք է դրվել նաև փողոցների, այգիների, պուրակների ու սիզամարգերի լայնամաշտաբ ծաղկապատմանը: Քաղաքապետարանի հայտարարած «Կանաչ Երևան» ծրագրով մայրաքաղաքում կանաչապատված լրացուցիչ 125 հա-ից բացի արդեն ձևավորվել է նաև 5,2 հա ծաղկապատ տարածք: