«Հայփոստ» ՓԲԸ Հավատարմագրային կառավարիչ «Հայփոստ Թրաստ Մենեջմենթ»-ը  սկսում է ՀՀ փոստային կապի ազգային օպերատորի գործունեության արդիականացման նոր փուլը: Փոստային բաժանմունքներում ավանդական  փոստային ծառայություններից բացի հանրությանը կառաջարկվի փոստբանկային ծառայություններ, ինչպես նաեւ ֆաքսիմիլային կապ, պատճենահանում, տպագրություն և ինտերնետային  կապ:

Նոր փուլը մեկնարկում է Երեւանի Բաղրամյան 23 հասցեում գործող  «Հայփոստի» թիվ 19 նորացված` հարմարավետ բաժանմունքի բացմամբ: «Կոնվերս բանկ» ՓԲԸ եւ «Հայփոստ» ՓԲԸ   համագործակցության պայմանագրի շրջանակներում կմատուցվեն փոստբանկային հետեւյալ ծառայությունները.

• Խնայողական և ավանդային հաշիվների բացում

• Արտարժույթի փոխարկում

• Կանխիկ գործառնություններ

• Փոխանցումներ` արագ փոխանցման  համակարգերով

• Դեբետային  պլաստիկ քարտեր` ԱրՔա, MasterCard, VISA  տրամադրում և սպասարկում

«Հայփոստ Թրաստ Մենեջմենթ»-ի ծրագրով առաջիկա 5 տարիներին նախատեսվում է «Հայփոստի» նորացված  բաժանմունքների  և մասնաճյուղերի թիվը հասցնել 250-ի, ավելացնել ժամանակակից փոստային օպերատորներին բնորոշ նոր ծառայությունների տեսականի: Այս մասին տեղեկացնում է «Հայփոստ Թրաստ Մենեջմենթ» ԲԸ-ն: