Հուլիսի 3-ին` ժամը 13:28-ին, Կոտայքի մարզից տեղեկություն է ստացվել, որ Հրազդան քաղաքի մերձակայքում գտնվող «Ծովինար» ռեստորանին հարակից լճակը տղամարդ է ընկել: Դեպքի վայրում պարզվել է, որ լճակն է ընկել Կոտայքի մարզի Հրազդան քաղաքի Կենտրոն թաղամաս 76/3 հասցեի բնակիչ, 31-ամյա Ռուսլան Միքայելյանը: Փրկարարների իրականացրած որոնողական աշխատանքների արդյունքում հուլիսի 5-ին` ժամը  09:33-ին, «Ծովինար» ռեստորանին հարակից լճակում հայտնաբերվել է Ռ. Միքայելյանի դին: Դին դուրս է բերվել լճակից եւ հանձնվել շտապօգնության աշխատակիցներին: