Ռուսաստանից անանուն երկրպագուն ավստրիացի ոսկերչին պատվիրել է վուվուզել` 17 հազար եվրո արժողությամբ: Այս մասին տեղեկացնում է «Ինտերֆաքս»-ը: Վուվուզելի այս մոդելը զարդարված է սպիտակ ոսկիով եւ ադամանդներով: Բացառիկ երաժշտական գործիքը որպես նվեր է մատուցվելու բիզնես - գործընկերոջը Աշխարհի գավաթի` հուլիսի 11-ին կայանալիք եզրափակիչ խաղի ժամանակ: Վաճառված վուվուզելի լյուքս-մոդելի արժեքը տարբերվում է սովորականից գրեթե 3000 անգամ: Նշենք նաև, որ վուվուզելան Հարավային Աֆրիկայում Ֆուտբոլի աշխարհի գավաթի խաղերի խորհրդանիշն է դարձել: «Դա մեր պատմության մի մասն է: Դրանք ծագում են եղջյուրներից, որոնցով դեռևս մեր նախնիները իրար էին կանչում: Հիմա դա երկրպագուների համար արտահայտման ձև է արդեն»,- ասել է Հարավային Աֆրիկայի Աշխարհի գավաթի կազմկոմիտեի ներկայացուցիչ Րիկ Մկոնդոն: