Այս տարվա առաջին կիսամյակում Հայաստանի տարածքում արձանագրվել է ճանապարհատրանսպորտային 851 պատահար, ինչի հետեւանքով 117 մարդ զոհվել է, 1151-ը ստացել են տարբեր աստիճանի մարմնական վնասվածքներ: Անցյալ տարվա նույն ժամանակահատվածում արձանագրվել էր ճանապարհատրանսպորտային 866 պատահար, ինչի հետեւանքով 150 մարդ զոհվել էր, 1217-ը ստացել էին տարբեր աստիճանի մարմնական վնասվածքներ: Այս մասին հայտնում են ոստիկանության լրատվության վարչությունից: