Երեկ գիշեր` ժամը 3:00-ի սահմաններում, Կոմիտաս-Գրիբոյեդով խաչմերուկում միմյանց են բախվել ՀՀ Արտակարգ իրավիճակների նախարարության հրշեջ ծառայության «Կամազ» մակնիշի 112 ՏՏ 04 համարանիշի և «Կրայսլեր» մակնիշի 22 SU 299 համարանիշի ավտոմեքենանները: Ըստ ֆոտոլրագրող Գագիկ Շամշյանի` վթարի վայրում ականատեսները պատմել են, թե ինչպես են իրենք լսել հրշեջ ավտոմեքենայի «սիրենայի» ձայնը, այնուհետև արգելակելու և միմյանց բախվելու` հարվածի ձայնը: «Կրայսլերի» վարորդը, Գ. Շամշյանի տեղեկություններով, 27-ամյա Լեոնիդ Մաթևոսյանն է: Վթարի հետևանքով վարորդը մարմնական վնասվածքներ է ստացել, սակայն հրաժարվել է վթարի վայր ժամանած շտապօգնության մեքենայով տեղափոխվել հիվանդանոց: Դեպի վայր էին մեկնել հրշեջները: Վթարի վայրում աշխատել են նաև Երևանի ճանապարհային ոտիկանության աշխատակիցներն ու հետաքննիչը: Լուս.` Գ. Շամշյանի