Իրավապահները թմրամիջոց պահելու եւ իրացնելու կասկածանքով «Նաիրի» կինոթատրոնի մոտից «Լյուքս» տաքսի ծառայությանը պատկանող «BVD» մակնիշի ավտոմեքենայով հանդերձ բերման են ենթարկվել 1981 թ. ծնված Ռոբերտ Մ.-ն: Նրա մոտ գտնվող ծանրոցում խուզարկությամբ հայտնաբերվել է պոլիէթիլենային 19 տոպրակ` մոտ 60,7 գրամ «մարիխուանա» թմրամիջոցին նմանվող դեղնականաչավուն զանգվածով: Ռոբերտ Մ.-ն հայտարարել է, որ այն պատկանում է իրեն, որը «Զվարթնոց» օդանավակայանի մաքսային կետով իրեն է ուղարկել ԱՄՆ բնակիչ ոմն Արտյոմ: «Ձեռնարկվում են միջոցառումներ Արտյոմի անձը պարզելու եւ նրան հայտնաբերելու ուղղությամբ: Հայտնաբերվածն առգրավվել եւ ուղարկվել է փորձաքննության»,- տեղեկացնում են ոստիկանության լրատվության վարչությունից: