Հետամուտ լինելով Ուսանողական այգում հանրային կանաչ տարածքի հիմնախնդրի լուծմանը՝ «Մենք ենք այս քաղաքի տերը» նախաձեռնությունը տեղեկացնում է, որ մայիսի 26-ին ՀՀ նախագահին ուղղված 20.000 քաղաքացու դիմումը դեռևս գտնվում է ՀՀ նախագահի վերահսկողական ծառայության պետի սեղանին և չի մակագրվել մասնագետին։ Այդ մասին տեղեկացրել է վերահսկողական ծառայության աշխատակիցը՝ ի պատասխան նախաձեռնության թվով 3-րդ հարցման։ Այս ընթացքում լայն թափով ընթանում է 2 շինօբյեկտների շինարարությունը։ Բետոնապատման ծավալը կրկնապատկվել է։ Նշենք նաև, որ նամակի հանձնման 30-օրյա ժամկետն արդեն լրացել է։ ՀՀ նախագահի աշխատակազմի նամակների բաժնից խորհուրդ տվեցին պարզապես սպասել։ «Մենք ենք այս քաղաքի տերը» քաղաքացիական նախաձեռնություն 13.07.2010