«Հավատացնում եմ, նրանք նույն հաջողությամբ կարող էին 99 տարով դա անել, միեւնույն է, մերոնք էլի կհամաձայնեին, քանի որ Հայաստանում չկա իշխանավոր որեւէ մեկը, որը կարող է ընդդիմանալ Ռուսատանին` ի պաշտպանություն Հայաստանի շահերի: Եվ համաձայնագրի նման երկարաձգումը, այն դեպքում երբ նրա ժամկետը լրանալուց հետո այն ավտոմատ կարող է երկարացվել 5-ական տարիներով, եւ մեկ անգամ ցույց է տալիս, որ այստեղ Ռուսաստանն անմաքուր նպատակ ունի Հայաստանի հանդեպ: Բացի այդ, դեռեւս առնվազն 49 տարի, այսինքն` կես դար, հայ ժողովուրդը ստիպված կլինի ձրի կերակրել այստեղ տեղակայված ռուսական զորքերին»,- երեկ «Առավոտին» ասաց ՀՀՇ վարչության անդամ Երջանիկ Աբգարյանը: