Արցախի նախագահ Բակո Սահակյանը երեկ ընդունել է ՀՀ էկոնոմիկայի նախարար Ներսես Երիցյանին եւ փոխնախարար Վահե Դանիելյանին: Հանդիպմանը, որին մասնակցում էր նաեւ Արցախի Հանրապետության փոխվարչապետ, ֆինանսների նախարար Սպարտակ Թեւոսյանը, տնտեսական զարգացման նախարար Կարեն Եսայանը, քննարկվել են երկու հայկական պետությունների տնտեսական համագործակցությանը վերաբերող հարցեր:   Առանձնահատուկ ուշադրություն է դարձվել կադրերի պատրաստման եւ վերապատրաստման, ժամանակակից տեխնոլոգիաների ներդրման եւ փորձի փոխանակման հարցերին: Այս մասին հաղորդում է ԼՂՀ նախագահի պաշտոնական կայքը: