Կալկաթայում (Հնդկաստան) գտնվող և պատմական հարուստ անցյալ ունե-ցող Մայր Աթոռ Ս. Էջմիածնի Հայոց մարդասիրական ճեմարանն այս տարի ևս ունեցավ իր բարի հունձքը: 2010թ.  Ճեմարանի տասնամյա դասընթացն ավարտեցին  շրջանավարտներ Հայաստանից և Իրանից, որոնք  իրենց ուսումը պիտի շարունակեն քաղաքի լավագույն ավագ դպրոցներում: Նրանցից չորսը` Վարդուհի Ավետիսյանը (Հայաստան), Սևակ և Սարինե Վարդումյանները և Վարդան Մակարյանը  (Իրան) իրենց տասնմեկ և տասներկուերորդ դասարանների կրթությունը կստանան Կալկաթայի նշանավոր  «La Martiniere» և Գևորգ Սիմոնյանը (Հայաստան)` «Assembly of God School» դպրոցներում: Ճեմարանի կառավարիչ, հնդկահայոց հոգևոր հովիվ Հգշ. Տ. Խորեն աբղ. Հովհաննիսյանը հաջողություն մաղթեց իր սաներին նոր ուսումնական հաստատություններում և հորդորեց նրանց` նմանվել այն սերմնահատիկին,որ ընկավ պարարտ հողի մեջ, պտուղ տվեց…