Հուլիսի 9-ին, ժամը 16.00-ին, ոստիկանության Մալաթիայի բաժնի ծառայողներն օպերատիվ միջոցառումներ իրականացնելիս` կողոպուտ կատարելու կասկածանքով Դավիթաշենի 4-րդ թաղամասի թիվ 51 շենքի մոտից բերման են ենթարկել 1984 թ. ծնված Կարեն Ս.-ին: Ձեռնարկված միջոցառումների շնորհիվ պարզվել է, որ նա ս/թ մայիսին Շերամի փողոցում գտնվող մսուր-մանկապարտեզի մոտ բացահայտ հափշտակել է 1982 թ. ծնված Շուշան Շ.-ի պարանոցի ոսկյա շղթան: Կողոպուտի մասին տուժողը նախկինում ոստիկանություն չէր հայտնել: Հուլիսի 9-ին նրանից ընդունվել է հաղորդում: Կատարվում է նախաքննություն: