Հուլիսի 15-ին` ժամը 00:05-ին, Եղվարդի ոստիկանության բաժնից տեղեկություն է ստացվել, որ Կոտայքի մարզի Զորավան գյուղի տարածքում գտնվող ջրամբարում դիակ է հայտնաբերվել, և այն դուրս բերելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ժամը 01:38-ին հրշեջ-փրկարարների ու ոստիկանության աշխատակիցների համատեղ ուժերով ջրամբարից դուրս է բերվել անձը չպարզված, միջին տարիքի տղամարդու դի: Այս մասին հայտնում է ՀՀ Արտակարգ իրավիճակների նախարարության «Արտակարգ ալիք» լրատվական կենտրոնը: