Այսօր տեղի է ունեցել ՀՀ կառավարության նիստ, որը վարել է ՀՀ վարչապետ Տիգրան Սարգսյանը։ Գործադիրը Վարդգես Հովակիմյանին ազատել է Արարատի մարզպետի պաշտոնից` իր դիմումի համաձայն։ Մեկ այլ որոշմամբ կառավարությունը Արարատի մարզպետ է նշանակել Էդիկ Բարսեղյանին։ Վարչապետ Տիգրան Սարգսյանը շնորհավորել է նորանշանակ մարզպետին, նրան մաղթել արդյունավետ աշխատանք։ Այս մասին հայտնում է ՀՀ կառավարության կայքը: