Նախօրեին Երեւանի Կուրղինյան 27/3 հասցեում տեղի է ունեցել պայթյուն` հետագա հրդեհի բռնկումով: Դեպքի վայր ժամանած փրկարարներն իրականացրել են շենքի բնակիչների տարահանում: «Հրդեհը մեկուսացվել է ժամը 10.18-ին, մարվել` ժամը 10.26-ին: Հրշեջ-փրկարարների կողմից հրդեհի վայրում հայտնաբերվել է 70-ամյա Հովհաննես Կարապետյանի դին»,- հաղորդում են Փրկարար ծառայության մամլո գրասենյակից եւ նշում,որ պայթյունի եւ հետագա հրդեհի պատճառները ճշտվում են: Հրդեհի հետեւանքով ամբողջությամբ այրվել են` Հ. Կարապետյանին պատկանող բնակարանն իր գույքով` 100 քմ մակերեսով, հարակից` 6-րդ բնակարանի պատշգամբը` 3 քմ. մակերեսով, վնասվել են պատուհանները: