Տարբեր տարիքային խմբերի մարդկանց մոտ կարելի է հանդիպել տարբեր տեսակի ողնաշարային հիվանդությունների: Այսօր ողնաշարային հիվանդությունների, դրանց բուժման ավանդական և ոչ ավանդական միջոցների մասին լրագրողների հետ հանդիպմանը կարծիքներ էին արտահայտում Սուրբ Աստվածամայր բժշկական կենտրոնի Վնասվածքաբանության և օրթոպեդիայի բաժանմունքի վարիչ Կարապետ Մումջյանը և 32 տարի հեքիմությամբ զբաղվող Զալիբեկ Մարտիրոսյան: Բժիշկ Մումջյանը ասում է, որ նման հիվանդությամբ տառապողների 10-20 տոկոսը մշտական հիվանդներ են և անընդհատ ունենում են ցավեր: Երբ երեխաները ծնվել են արատներով, ըստ մասնագետների, անհրաժեշտ է հետևել, որ հիվանդությունը չխորանա: Նախադպրոցական տարիքում ողանաշարային հիվանդություններից ի հայտ են գալիս հատկապես ծռումները, դեֆորմացիաները, որոնք սկսվում են հենց դպրոցական հասակից եւ բժիշկ Մումջյանի խոսքերով` հիմնականում ընդունված է համարել, որ այն կապված է պայուսակի, նստարանին նստելու ոչ ճիշտ ձեւի հետ: Սակայն բժշկը նշում է, որ իրականում ասվածը չի կարող հիմք լինել նման ծռումների համար, պարզապես այդ երեխաների մոտ կա հակում ոչ ճիշտ աճի, ինչն էլ ի հայտ է գալիս հենց ինտենսիվ աճի ընթացքում: Ինտենսիվ աճի ժամանակահատվածը 6ից 8 տարեկանն է, երկրորդ շրջանը` 10-ից 11, երրորդը` 14-15Այնուհետեւ սկսում են ռեգեներատիվ հիվանդությունները, որոնք ողերի դիրքերի, դիսկերի տձևացումն է, նյարդաբանական երևույթների ի հայտ գալը: Հեքիմ  Զալիբեկ Մարտիրոսյանը հիվանդին չի հարցնում, թե որտեղն է ցավում, ինքն է փորձում գտնել: «Միլիմետրով կասեմ` որտեղ ինչ կա, որ օրգանը ինչ վիճակի մեջ է, հատ-հատ կասեմ, մեծ սիրով կօգնեմ իմ հիվանդներին: Նայում եմ` որը գրիժա ունի, ասում եմ` խելքիս բանը չի, դիմիր բժշկին»,- պատմում է նա: Հեքիմը բուժումները կատարում է ձեռքով, տարբեր փափկեցնող յուղերի միջոցով` արջի յուղ, ոչխարի մորթի: Վերջինիս վստահեցմամբ` իր մոտ բուժվելու համար որեւէ գին սահմանված չէ, եւ հիվանդը կարող է ուղղակի շնորհակալություն հայտնել ու վերջ: Նրա խոսքերով` իր մոտ հիմնականում գլիս են այն մարդիկ, ովքեր բուժվելու շատ քիչ հույս ունեն եւ ամեն ինչ հասել է «վերջին կետին»: Իսկ բժշկ Կարապետ Մումջյանի համար անհասկանալի է, թե ինչպես են առանց տեսնելու բուժում մարդուն: Ասում է` քայլ անելուց առաջ պետք է անպայման հետազոտել: Նա չժխտեց, որ դիսկերի գրիժաները կարելի է ուղղել մի շարք ձևերով` ձեռքով, պտտելով և այլն, բայց ասում է`պետք է շատ զգույշ լինել, որպեսզի պոկում չլինի ու հիվանդին վնաս չհասցվի: Իսկ ամենակարևրոն այն է, որ հիվանդը կատարի բոլոր ցուցումները: Բանախոսները չժխտեցին, որ հիվանդը կարող է ժամանակավոր իրեն լավ զգալ, սակայն որոշ ժամանակ անց` նորից շատ վատ: Բժիշկը և հեքիմը մի շարք խորհուրդներ տվեցին` խուսափելու համար ողնաշարայաին հիվանդություններից: Նախ` անհրաժեշտ է սահմանափակել ծանրաբեռնված աշխատանքը, շատ շարժվել, բայց ոչ թե տնային գործեր անել, այլ ողնաշարը շարժել, ակտիվ շարժումներ անել եւ կատարել նախավարժանքներ: