Վստահեցնում են ոստիկանության լրատվության վարչությունից Արարատի նախկին մարզպետ Վարդգես Հովակիմյանը նախօրեին, խոսելով իր պաշտոնաթողության հանգամանքների մասին, անդրադարձել էր նաեւ իր որդու հետ կապված արտաշատյան աղմկոտ միջադեպին` հայտարարելով, թե ծեծկռտուքը շինծու է եղել եւ այն «սարքվել է» ոստիկանության պետ Ալիկ Սարգսյանի կողմից: «Այս մեղադրանքը անհիմն է եւ անհեթեթ, մանավանդ, որ Հովակիմյանն այս իբր բացահայտումը փորձում է առնչել իր պաշտոնաթողության պատճառներին: Իրողությունն այն է, որ հանրապետության ոստիկանության պետը որեւէ առնչություն չունի ո՛չ Արարատի նախկին մարզպետի պաշտոնաթողությանը, ո՛չ էլ նրա որդու մասնակցությամբ տեղի ունեցած ծեծկռտուքին, որի պատճառը, իմիջիայլոց, այն է եղել, որ նա որոշել էր վարդ նվիրել մի անծանոթ աղջկա` վերջինիս ընկերոջ ներկայությամբ...Կարծում ենք` պատկերն ամբողջացավ, եւ այս մարդկանց նկարագրի վերաբերյալ մեկնաբանություններն ավելորդ են»,- նշված է ոստիկանության տարածած հաղորդագրությունում: