Ըստ ՀՀ ոստիկանության օպերատիվ հաղորդագրությունների ամփոփագրերի` հուլիսի 1-ից 19-ն ընկած ժամանակահատվածում հանրապետությունում արձանագրվել է հրդեհի բռնկման 11 դեպք, ինչի հետևանքով մեկ քաղաքացի ստացել է 3-րդ և 4-րդ աստիճանի այրվածքներ: Քաղաքացիներին պատճառվել է մոտ 2 միլիոն 925 հազար դրամի նյութական վնաս, ինչպես և այրվել է մեկ խանութ-կրպակ, 32.000 քառակուսի մետր ցորենի արտ, 2 խորդանոց, անասնագոմ, 100 հակ խոտ և 150 հակ ծղոտ: Հրդեհների բռնկման հիմնական պատճառներն են էլեկտրական հոսանքի կարճ միացումը, հսկողությունից դուրս մնացած կրակը, գազի և էլեկտրական հոսանքի հետ անզգույշ վարվելը և այլն: Այս մասին հայտնում է ՀՀ ոստիկանության կայքը: