Կարապետ Ռուբինյանի նամակը մեկնաբանելու համար ՀՀՇ-ն ասուլիս կհրավիրի
Հայոց համազգային շարժում կուսակցության վարչության նորընտիր նախագահ Արամ Մանուկյանը «Հետքին» ասաց, որ չի ցանկանում շտապել մեկնաբանություններ տալ ՀՀՇ-ից դուրս եկած Կարապետ Ռուբինյանի բաց նամակի վերաբերյալ: Հնարավոր է, որ առաջիկա ժամերին կուսակցությունը հայտարարի կայանալիք մամուլի ասուլիսի մասին, որի ընթացքում վարչության անդամները կպատասխանեն լրագրողների հարցերին:
Հիշեցնենք, որ երեկ երեկոյան Կարապետ Ռուբինյանն իր տարածած բաց նամակում նշել էր, որ վերջերս կայացած ՀՀՇ վարչության ընտրությունները կեղծվել են: «Քվեարկության ժամանակ, չնայած կազմկոմիտեի բոլոր նախապես արված հավաստիացումներին, հանկարծ հայտնվում է մի «օրինակելի» քվեաթերթիկ, որին համաձայն մասնավորապես ես չպիտի ընտրվեմ վարչության կազմում»,- գրված է նամակում:
Լուսանկարը` Գագիկ Շամշյանի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել