«Թեղուտի փրկության» հայցադիմումը` Վճռաբեկ դատարանում
«Էկոդար» հասարակական կազմակերպությունը Վճռաբեկ դատարան բողոք է ներկայացրել` ընդդեմ Վարչական դատարանի կայացրած որոշման, որով մերժվել էր Թեղուտի հանքավայրի շահագործման դադարեցումը պահանջող հայցադիմումը: Բողոքը վարույթ է ընդունվել, սակայն դատական նիստի օրը դեռեւս նշանակված չէ:
Հիշեցնենք, որ Վարչական դատարանը հայցադիմումի մերժումը պատճառաբանել էր նրանով, որ հասարակական կազմակերպությունն իրավունք չունի դատարանում էկոլոգիական խախտումներ վիճարկել:
Նշենք, որ Վարչական դատարանը նախկինում հայցադիմումը վարույթ չէր ընդունել նույն պատճառաբանությամբ, որից հետո «Էկոդար»-ը դիմել էր Վճռաբեկ դատարան, եւ վերջինս ստիպել էր Վարչական դատարանին քննության առնել հայցադիմումը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել