Գավառ-Սեւան ավտոճանապարհի 10-րդ կմ-ում` Հայրավանք գյուղի հատվածում, նախօրեին տեղի է ունեցել ճանապարհատրանսպորտային պատահար: Դեռեւս չպարզված հանգամանքներում «Ֆորդ» մակնիշի ավտոմեքենան վրաերթի է ենթարկել Քարավաճառի բնակչուհի,  10-ամյա Մարիամ Տոնոյանին: Երեխան ստացել է տարբեր աստիճանի մարմնական վնասվածքներ եւ տեղափոխվել Գավառի քաղաքային հիվանդանոց, այնուհետեւ` Երեւանի թիվ 1 մանկական կլինիկական հիվանդանոց: «Ըստ բժիշկների` տուժածի վիճակը գնահատում է կայուն ծանր. կյանքին վտանգ չի սպառնում»,- հայտնում են փրկարար ծառայության մամլո գրասենյակից: