Դարձյալ կոնսենսուս չկա Ղարաբաղյան հարցում այս պահին կողմերի դիրքորոշումը հետևյալն է. ադրբեջանցիներն ասում են, որ բանակցությունների սեղանին դրված են «նորացված մադրիդյան սկզբունքները», որոնց իրենք սկզբունքորեն համաձայն են, իսկ հայերը ժամանակ են ձգում և ոչ «այո» են պատասխանում, ոչ էլ` «ոչ», իսկ մերոնք պնդում են, որ ամենաճիշտ ու ամենավերջին առաջարկներն արվել են Պետերբուրգում, և մեզ համար այդ առաջարկները ընդհանուր առմամբ ընդունելի են, իսկ ադրբեջանցիները որևէ պատասխան չեն տալիս: Այդ ամենը, սակայն, ինձ թվում է` քարոզչության ոլորտից է: Իսկ «չոր» իրականությունը հետևյալն է. Հայաստանի ղեկավարությունը սկզբունքորեն պատրաստ է դուս բերել հայկական զորքերը 5 շրջաններից, իսկ Ադրբեջանի ղեկավարությունը համաձայն է ապաշրջափակել ճանապարհները, ինչպես նաև` որ Ղարաբաղին տրամադրվի միջանկյալ կարգավիճակ` միջազգային երաշխիքներով: Դիվանագետներին մնում է հստակեցնել և սինխրոնացնել այդ գործընթացներն այնպես, որ ոչ մեկը մյուսին չխաբի: Չեմ կարծում, որ մեր և ադրբեջանցի դիվանագենտներն այնքան ապաշնորհ են, որ չեն կարող գտնել փոխադարձաբար ընդունելի մեխանիզմներ: Բայց խնդիրն այն է, որ կարգավորման համար երկու կողմերի տաղանդները և քաղաքական կամքը բավարար չէ: Պետք է նաև, որ միջնորդ երեք կողմերը` ՌԴ-ն, ԵՄ-ն և ԱՄՆ-ն այստեղ բացարձակապես միատեսակ մոտեցում ունենան: Դա է, որ առայժմ բացակայում է: Ռուսաստանն իսկապես ուզում է, որ տարածաշրջանում խաղաղություն լինի, բայց` այնպիսի խաղաղություն, որում պահպանվում է իր ավանդական դոմինանտ դերը: Արևմուտքը նույնպես անկեղծորեն ցանկանում է, որ Ղարաբաղի հարցը լուծվի: Եթե նրանք «կպած» ձգտեին դա անել, ապա կանեին` առանց միջոցների մեջ խտրականություն դնելու` ինչպես դա եղել է բալկանյան կոնֆլիկտի ժամանակ: Բայց այս դեպքում ԵՄ-ն և ԱՄՆ-ն մտածում են, հավանաբար, հետևյալ կերպ. «Վատ չի լինի, իհարկե, որ աշխարհի այդ հեռավոր անկյունում խաղաղություն հաստատվի: Բայց եթե չհաստատվի էլ` ոչինչ: Թող ռուսները գլուխ հանեն իրենց նախկին հպատակներից»: Օրեր առաջ Տնտեսական մրցակցության պաշտպանության պետական հանձնաժողովը, հավկիթի անբնական էժանացման խորքը թափանցելու համար վարույթ էր հարուցել և պահանջել արտադրողներից տվյալներ ներկայացնել: Հուլիսի 22-ին պատասխանների ժամկետը լրացել է, և հանձնաժողովի մասնագետները սկսել են վերլուծել ու ստուգել ստացված տեղեկությունները: «Մասնագետները չեն բացառում, որ այս վարույթը երկարի, որովհետև փաստաթղթերը շատ են, և ուսումնասիրությունները կարող են երկար տևել»,- հայտնեց ՏՄՊՊՀ լրատվության պատասխանատուն: Այսպիսով, որքան արագ և օպերատիվ է բարձրանում ձվի գինը, ինչքան հաճախանում են մրցակցության խախտման փորձերը, այնքան ավելի են դանդաղում գործադիրի` կասկածելի զարգացումները կանխելուն ուղղված գործողությունները: Թեև հանձնաժողովից վստահեցնում են, որ եթե ապացուցվի, որ շուկայում արհեստական գնանկում կամ գնաճ է եղել, ապա մեղավորները կպատժվեն: ՄԱԿ-ի Միջազգային դատարանը կրկին բացեց անկախ Արցախի ճանաչման ճանապարհը