Տեսանյութեր
Լուսանկարներ
Մամուլի տեսություն
Երկխոսությո՞ւն
ՀՀ-ում ԱՄՆ դեսպան Մարի Յովանովիչը ակտիվ լոբբինգ է իրականացնում` ՀՀ առաջին նախագահ Լեւոն Տեր-Պետրոսյանի եւ Սերժ Սարգսյանի միջեւ երկխոսություն սկսելու ուղղությամբ: Այս մասին երեկ գրել էր «Ռեգնում» գործակալությունը: Տեր-Պետրոսյանի գրասենյակի ղեկավար Ավետիս Ավագյանը երեկ չպատասխանեց թերթի հարցին` արդյոք Տեր-Պետրոսյան-Յովանովիչ շփումների ընթացքում շոշափվե՞լ է Լեւոն-Տեր Պետրոսյանի եւ Սերժ Սարգսյանի երկխոսության թեման:
Հայտնի չէ նաեւ, արդյո՞ք, նման թեմա լինելու է Տեր-Պետրոսյան-Յովանովիչ առաջիկա հանդիպումների օրակարգում: Ըստ մեր աղբյուրների` մոտ ժամանակներս նման մի հանդիպում է կազմակերպվելու: Երեկ, սակայն, մեզ չհաջողվեց Տեր-Պետրոսյան-Յովանովիչ առաջիկա հանդիպման փաստը հաստատող պաշտոնական տեղեկություն ստանալ:
Ոստիկանները պաշտպանում են միասեռականներին
Այն բանից հետո, երբ Երեւանի Անգլիական զբոսայգում գրանցվել են սեռական փոքրամասնությունների ներկայացուցիչներին ու տրանսվիստիտներին ծեծելու ու ահաբեկելու դեպքեր, նրանց հավաքատեղին սկսել են վերահսկել Կենտրոնի ոստիկանության ՊՊԾ մեքենաները, եւ ոստիկանները մինչեւ ուշ գիշեր ծառայություն են իրականացնում, որպեսզի նրանց բան ասող չլինի:
Կոնգրեսականը զրպարտո՞ւմ է կոնգրեսականներին
Հայ ազգային կոնգրեսի նախկին համակիր եւ համաժողովրդական շարժման ակտիվիստ ու նախկին քաղբանտարկյալ Քրիստափոր Էլազյանը, որը 2008 թվականի մարտիմեկյան իրադարձություններից հետո իրավապահների կողմից խոշտանգումների եւ ծեծի ենթարկվելուց հետո հայտնվել էր ամբաստանյալի աթոռին, այսօր հայտնվել է տուժողի կարգավիճակում:
Ի տարբերություն 2008-ի` Ք.Էլազյանին այս անգամ ծեծի են ենթարկել ոչ թե իրավապահները, այլ ՀՀ ոստիկանության Կենտրոնի բաժնում տված իր իսկ հաղորդագրության համաձայն` ՀԱԿ-ի երկու անդամները:
Կոնգրեսում, սակայն, ասում են, թե ՀԱԿ-ից փող կորզել չկարողանալուց հետո վրեժխնդիր է լինում` փորձելով զրպարտել կոնգրեսականներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել