Ինչպե՞ս եք վերաբերվում բանակում ստեղծված խնդիրների հետ կապված նախարար Սեյրան Օհանյանի հրաժարականի պահանջին: Պատասխանելով «Առավոտի» այս հարցին՝ ՀԱԿ անդամ, «Հանրապետություն» կուսակսության ղեկավար Արամ Սարգսյանն ասաց. «Իհարկե, նախարարն էլ է մեղավոր, բայց խնդիրը մեկ մարդու մեջ չէ եւ մեկ մարդով չէ:

Միայն նախարարի հրաժարականով բանակի խնդիրն անհնար է լուծել: Դա լուրջ խնդիր է՝ հասարակության բոլոր շերտերի հետ կապված: Երկրի ընդհանուր, նաեւ քաղաքական իրավիճակի հետ կապված: Դա նաեւ սոցիալական խնդիրների հետ է կապված՝ դպրոցի, ընտանիքի, ընդհանուր դաստիարակության: Բանակի խնդիրը լուրջ հասարակական խնդիր է, որն ազգովի ենք լուծելու, եւ այստեղ այս իրավիճակի համար մեզանից յուրաքանչյուրն իր մեղքն ունի»: