Ըստ ՀՀ ոստիկանության օպերատիվ հաղորդագրությունների ամփոփագրերի` 2010 թ. հունվարի 1-ից հուլիսի 27-ն ընկած ժամանակահատվածում հանրապետությունում արձանագրվել է ապօրինի ծառահատման 28 դեպք: Հատվել է 41 սոճի, 405 եղևնի, 74 բարդի, 41 բոխի, 22 հաճարենի, 32 լորենի, 8 տանձենի, 10 կաղնի, 5 թխկի և 2 ընկուզենի: Հայտնաբերվել և առգրավվել է նաև 33 խորանարդ մետր վառելափայտ: Պետությանը պատճառվել է մոտ 10 միլիոն 267 հազար 100 դրամի նյութական վնաս: Հարուցված մի շարք քրեական գործերով պետությանը պատճառված նյութական վնասի չափը դեռևս ճշգրտման փուլում է: