Յուրմալայում (Լատվիա) արդեն իսկ մեծ հեղինակություն վայելող «Նոր ալիք» («Новая волна») երգի մրցույթում հաղթել է Հայաստանը ներկայացնող Սոնա Շահգելդյանը` հավաքելով 288 միավոր: Այս տարվա երգի մրցույթին մասնակցում էր 12 երկրի 17 ներկայացուցիչ: Սոնա Շահգելդյանը ընդամենը մեկ միավորով է առաջ անցել Ուկրաինայի ներկայացուցիչ Տատյանա Շիրկոյից: Այսօր տեղի կունենա մրցույթի փակման արարողությունը, եւ հանդիսավոր պայմաններում Սոնա Շահգելդյանը կստանա 50.000 եվրո` որպես առաջին տեղի մրցանակ: