Այս ամառ էլ Հարավկովկասյան (ՀԿԵ) երկաթուղիների գնացքներով Վրաստանի ծովափնյա քաղաքներ մեկնող հայ զբոսաշրջիկները տհաճ անակնկալի են բախվել: Ինչպես նախորդ տարի, այս անգամ էլ գնացքի միևնույն կուպեի տոմսերը միաժամանակ մի քանի հոգու են վաճառել, և այս մասին մեկնողները տեղեկացել են մեկնումից մի քանի րոպե առաջ: Այս կապակցությամբ թերթն արդեն մի քանի բողոք է ստացել: Թերթը պարզաբանում է խնդրել ՀԿԵ լրատվության բաժնից: Այնտեղից ասել են. «...Նման դեպքեր գրանցվել են, բայց քանի որ դրանք ավանդաբար չեն կրկնվում, հիմա կդժվարանանք տեղեկացնել, թե քանի նման դեպք է գրացնվել, դրանք բացառություններ են, որոնք կապված են զուտ տեխնիկական խնդիրների հետ, և տեղում այդ հարցերը շտկվում և լուծվում են:... Բանն այն է, որ թե անցած տարի, թե այս տարի չհասցրինք կազմակերպել տոմսերի էլեկտրոնային վաճառք, տոմսերը տեղում լրացվում են տոմսավաճառների կողմից, հին մեթոդով` ձեռքով»: