Առողջապահության համաշխարհային կազմակերպության տվյալներով` ուլտրամանուշակագույն ճառագայթներն առաջացնում են քաղցկեղ
Հայտնի են մաշկի 6 տիպեր, բայց Հայաստանում ամենատարածվածը 1-4 տիպերն են: Առաջին տեսակն այն է, որը մելանիում չունի: Մելանիումն այն նյութն է, որ մաշկին երանգ է տալիս եւ պաշտպանում է այն արեւի ճառագայթներից:
«Որքան մաշկի գույնը մուգ, այնքան այն պաշտպանված է արեւի ճառագայթներից»,- ասում է բժիշկ, կոսմետոլոգ, մաշկաբան Լիլիթ Գեւորգյանը:
Մաշկի վնասվածությունը լինում է թեթեւ, միջին եւ ծանր: Մաշկաբանի դիտարկմամբ` Հայաստանի աշխարահագրական դիրքի պայմաններում արեւը վտանագավոր է մաշկի համար: Արեւի տակ չի կարելի գտնվել ժամը 11.00-ից-17.00-ն ըկնած ժամանակահատվածում, իսկ եթե, այնուամենայնիվ, արեւի տակ ես, պետք է օգտագորել բոլոր միջոցները` հովանոց, գլխարկ, ակնոց, օգտագործել շատ ջուր եւ աշխատել գտնվել ստվերում:
Մաշկը արեւի վնասմանը ենթարկվում է հատկապես այն դեպքում, եթե յուղոտ է: Այդ պարագյում պետք է ամեն ինչ անել` մաշկի յուղոտությունը նվազեցնելու համար:
Մաշկային հիվանադությունները սրվում են գարնանը եւ աշնանը: Դրանք հիմնականում կապված են քրտնագեղձերի, ճարպագեղձերի, ինչպես նաեւ տրավմաների, բորբոքային պրոցեսների հետ: Մաշկաբանի խոսքերով`մեզանում շատ են տարածված կորյակները, պիգմենտները, մաշկի շուտ ծերանալը:
Կոսմետոլոգը խորհուրդ է տալիս մաշկի խնդիրներից խուսափելու համար միշտ մաքրել այն, պահպանել խոնավությունը եւ օգտագործել արեւապաշտպան քսուքներ:
Ավելի լավ է արեւայրուք ստանալ քսուքներով, քան առանց դրանց
«Որքան էլ գեղեցիկ եւ նորաձեւ է արեւայրուք ունենալը, այնուամենայնիվ, առողջությունն ավելի թանկ է»,- «Հետք»-ի հետ զրույցում ասաց Լիլիթ Գեւորգյանը: «Պետք է օգտագործել բարձր էսպե միջոցներ` 30 տոկոսնացից սկսած»: Նրա խոսքերով`ավելի լավ է արեւայրուք ստանալ քսուքներով, քան առանց դրանց, քանի որ դրանց բաղադրության մեջ մտնում են այնպիսի միջոցներ, որոնք մաշկը խոնավեցնում են: Բժիշկը խորհուրդ է տալիս ամեն ինչ անել չափավոր, միանգամից արեւայրուք չընդունել, շատ չսեւանալ:
Կոսմետոլոգը խորհուրդ է տալիս օգտագործել ոչ ալկոհոլային գարեջուր: «Սեւանի կիզիչ արեւի տակ մաշկը ջրազրկվում է: Եթե ուզում եք ստանալ մուգ գույի մաշկ, մաշկին քսեք ավելի մուգ գույնի գարեւջոր, եթե բաց գույնի` ավելի բաց»,- ասում է Լիլիթ Գեւորգյանը: Արեւը նպաստում է վիտամին D-ի սինթեզին, բայց, իհարկե, պետք է լինի չափավոր: Ըստ Լ. Գեւորգյանի, մեկ ժամ արեւի տակ գտնվելով` ամբողջ օրվա վիտամին D-ն կարելի է ապահովել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել