Կենդանաբանական այգու տնօրեն Սահակ Աբովյանը «Հետքի» հետ զրույցում անդրադարձավ հատկապես ամառվա օրերին այգում տիրող գարշոհոտությանը. «Ես չեմ առարկում` հոտ կա, հիմնականում կատուների վանդակներում, որովհետեւ բետոնի վրա են, միզում են, այս շոգին անմիջապես դա գոլորշիանում է»,- նշեց տնօրենը: Նրա խոսքով` վանդակները լվացվում են օրական երկու անգամ:

«Եթե ազատավանդակներ կառուցենք եւ հողի վրա լինեն կենդանիները, այդպիսի հոտ չի գա»,- ասում է Սահակ Աբովյանը: Ազատավանդակներ կառուցելու համար ծրագիր էր մշակվել, որը պետք է ֆինանսավորեր քաղաքապետարանը, սակայն ֆինանսատնտեսական ճգնաժամի պատճառով ծրագիրը սառեցվել է: