Տեսանյութեր
Լուսանկարներ
Մոսկվահայերը հայտնվել են ռազմական գործողությունների էպիկենտրոնում
Քուրդ ապստամբները հարձակումներ են իրականացրել զինված ուժերի եւ ժանդարմների վրա միաժամանակ թուրքական 4 նահանգներում: Ըստ թուրքական «Հյուրիեթի»` հարձակումները տեղի են ունեցել Դիարբեքիրում, Հակիրիում ու Հայաստանին սահմանակից Վանում եւ Աղրիում:
Աղրիում (այն տեղակայված է Արարատ լեռանը կից) թուրքական անվտանգության ուժերը բախվել են քուրդ զինյալների հետ, որի արդյունքում թուրքական կողմը տվել է մեկ զոհ: Ըստ հրապարակման` Արարատ լեռան մոտ բախումները շարունակվում են:
Հակիրիում թուրքական ուժերը սպանել են քուրդ զինյալների, իսկ մի քանիսին, այդ թվում մեկ կնոջ, ձերբակալել են:
Դիարբեքիրում քուրդ զինյալները հրթիռներ են նետել ոստիկանության շենքի, իսկ Վանում` քաղաքապետարանի վրա: Այս շրջաններում թուրքերը մտցրել են ռազմական մեծ ուժ, այդ թվում` ուղղաթիռներ:
Ռուսական «Ռեգնում» գործակալության փոխանցմամբ` այս օրերին մոսկվահայերի մի խումբ, որի կազմում կա նաեւ հայտնի շոումեն, փորձում է բարձրանալ Արարատ լեռան գագաթը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել