Մեծարգո պարոն նախագահ` Բնապահպանական խնդիրներով հետամուտ թվով 45 հասարական կազմակերպութոյւններից բաղկացած էկոլոգիական հասարակական դաշինքը (այսուհետ` Դաշինք) Ձեր ուշադրությունն է հրավիրում «Խոսրովի անտառ» պետական արգելոցի  գոյությանը սպառնացող խնդրի վրա: Անհրաժեշտ ենք համարում վերանայել «Խոսրովի անտառ» պետական արգելոցի տարածքում գտնվող «Գիլան» պետական արգելավայրի ստեղծելու մասին վերաբերյալ կառավարության որոշումը (24 մայիսի, 2007թ., N 673-Ն) և վերականգնել այդ տարածքի արգելոցային կարգավիճակը: Տվյալ որոշումը ընդունվել է Օրհուսի կոնվենցիայի դրույթների կոպիտ խախտումներով, հաշվի չեն առնվել համապատասխան մասնագետների և հասարակության կարծիքը: Դաշինքը, ելնելով հանրապետության կայուն զար•ացմանը վնասող այս խնդրի կարևորությունից, անհրաժեշտ է համարում վերանայել «Խոսրովի անտառ» պետական արգելոցի տարածքի մի հատվածի վրա «Գիլան» պետական արգելավայրը հիմնելու վերաբերյալ ՀՀ կառավարության որոշումը (24 մայիսի, 2007թ., N 673-Ն) և վերականգնել ար•ելոցի տարածքի ամբողջականությունը: Տվյալ որոշումը ընդունվել է Օրհուսի կոնվենցիայի դրույթների կոպիտ խախտումներով` հաշվի չեն առնվել հանրապետության առաջատար մասնագետների և հասարակության կարծիքը: Նոր հիմնված «Գիլան» արգելավայրի տարածքը գտնվում է Խոսրովի արգելոցի կենտրոնում, և այդ հատվածի կարգավիճակի փոփոխությունը (հսկողության և պահպանման ռեժիմի իջեցումը) վտանգավոր նախադեպ է դառնում ամբողջ արգելոցի մասնատման համար ու սկիզբ է դնում «Խոսրովի անտառ» պետական արգելոցի վերացմանը: Այս խնդրի վերաբերյալ հասարակությունից փակ որոշում կայացնելը կարող է իր մեջ պարունակել նաև կոռուպցիոն ռիսկ: Դաշինքի աշխատանքային խումբը, քննարկելով վերոնշյալ որոշումը ՀՀ ԳԱԱ Բուսաբանության ինստիտուտի, Կենդանաբանության, հիդրոէկոլոգիայի և ձկնաբանության •իտական կենտրոնների համապատասխան մասնագետների հետ, գտնում է, որ այն հակասում է ՀՀ բնապահպանական և միջազգային օրենսդրությանը, մասնավորապես. «Հատուկ պահպանվող տարածքների մասին», «Բուսական աշխարհի մասին», «Կենդանական աշխարհի մասին» ՀՀ օրենքներին, ՀՀ բույսերի «Կարմիր գրքի» և ՀՀ կենդանիների «Կարմիր գրքի» դրույթներին, Կենսաբազմազանության պահպանության մասին ՄԱԿ-ի կոնվենցիայի, Համաշխարհային մշակութային և բնական ժառանգության պահպանության մասին  կոնվենցիայի, Վայրի բնության և բնական միջավայրի պահպանության մասին Եվրոպայի կոնվենցիայի և այլ միջազգային փաստաթղթերի դրույթներին, որոնք վավերացրել/ստորագրել է ՀՀ-ն: Այն նաև հակասում է GEF, UNDP, WWF և այլ բազմաթիվ միջազգային դոնոր կազմակերպությունների քաղաքականությանը և կարող է հարցականի տակ դնել նրանց ֆինանսական աջակցությունը ՀՀ հատուկ պահպանվող տարածքներին, հատկապես «Խոսրովի անտառ» պետական արգելոցին, և վնասել դրանց պահպանմանն ու զարգացմանը: Բավարարված չլինելով Բնապահպանության նախարարության կատարած քայլերից` պահանջում ենք տալ շուտափույթ լուծում այս հարցին: Հարգելի նախագահ, Դաշինքը. -    արծածվող խնդրի վերաբերյալ արտահայտելով հանրապետության բնակչության ճնշող մեծամասնության կարծիքը (հույսով ենք, որ Դուք չեք կասկածի դրանում), -    հիասթափված լինելով վերը նշված հույժ կարևոր խնդրի շուրջ Բնապահպանության նախարարության հետ համա•ործակցության արդյունքներից` նախարարության կողմից խնդիրը անիմաստ չարչրկելուց ու դրա լուծումը միտումնավոր ձգձգելուց, ՀՀ կառավարությունից պահանջում է բարձրացված խնդրին տալ շուտափույթ դրական լուծում, և խնդրում է Ձեզ` միջամտել ու սատար կանգնել իր օրինական և հայրենանվեր պահանջին: Հարգանքներով, Էկոլոգիական հասարակական դաշինքի «Սոս Խոսրով» աշխատանքային խումբ. 1.    «Էկոլուր» ՀԿ` Ինգա Զարաֆյան 2.    «Հայ կանայք հանուն …» Ելենա Մանվելյան 3.         «Հայկական բուսաբանական ընկերություն» ՀԿ` Գոհար Օգանեզովա 4.         «Կայուն ջրային միջավայր» ՀԿ` Լիլիթ Բաղդասարյան 5.    «Թռչունների պահպանման հայկական ՀԿ» «Birdlife in Armenia»`  Մամիկոն Ղասաբյան 6.    «Տապան» էկո-ակումբ ՀԿ` Հրանտ Սարգսյան 7.    «Շողեր միություն» ՀԿ` Հասմիկ Ասլանյան 8.    «Հանուն կայուն մարդկային զարգացման ասոցիացիա» ՀԿ` Կարինե Դանիելյան 9.    «Բուրգ Բնապահպանական Երիտասարդական Կենտրոն» ՀԿ` Արման Վերմիշյան 10.       «Ս.Սանդուխտ տիկնանց միություն» ՀԿ` Արտեմիս Լեփեջյան 11.    «Էկոտուրիզմի ասոցիացիա» ՀԿ` Ժաննա Գալյան 12.    «Թռչնասերների կենտրոն» ՀԿ` Սիլվա Ադամյան _____________________________________________________________________________