Երեկ` ժամը 22.15-ին, ոստիկանության Կոտայքի բաժնում ահազանգ է ստացվել, որ Գեղաշեն գյուղում հրացանի կրակոցից երեխա է մահացել: Մեկնած օպերատիվ խմբին 1951 թ. ծնված Ալբերտ Մ.-ն հայտնել է, որ նույն օրը, ժամը 18.00-ի սահմաններում, թոռնիկը` 2008 թ. ծնված Նարեկ Մեհրաբյանը իրենց տանը գտնվելու եւ ավտոտնակում խաղալու ընթացքում` իր հանգուցյալ հորը պատկանող երկփողանի որսորդական հրացանից դեռեւս չպարզված հանգամաքներում կրակոց է արձակվել, ինչի հետեւանքով թոռնիկը ստացած վնասվածքներից տեղում մահացել է: «Հանգամանքները պարզվում են, կատարվում է նախաքննություն»,- տեղեկացնում են ոստիկանության լրատվության վարչությունից: