Տեսանյութեր
Լուսանկարներ
Հայ մարզիկը զբաղեցրել է 1-ին տեղը միջազգային մրցաշարում
Ղազախստանի Ուրալսկ քաղաքում ավարտված Ղազախստանի Հանրապետության նախագահ Նորսուլթան Նազարբաեւի մրցանակների սամբոյի միջազգային մրցաշարում հայ մարզիկ, ստեփանակերտցի 74 կգ քաշային Աշոտ Դանիելյանը զբաղեցրել է առաջին տեղը:
Հիշեցնենք, որ Դանիելյանն այս տարի նվաճել էր նաեւ մարտական սամբոյի Եվրոպայի չեմպիոնի կոչումը:
Նազարբաեւի մրցաշարը հանդիսանում է Սամբոյի աշխարհի գավաթի փուլերից մեկը, որում լարված պայքար են մղում Ռուսաստանի, Հայաստանի, Բուլղարիայի, Ղազախստանի, Բելոռուսի, Ուզբեկստանի, Մոնղոլիայի, Ղրղզստանի, Տաջիկստանի, Վրաստանի, Ադրբեջանի, Իրանի, Կորեայի, Ճապոնիայի, Հունաստանի, Վենեսուելայի ուժեղագույն սամբիստները:
Հայաստանի սամբոյի ֆեդերացիան տեղեկացնում է, որ Աշոտ Դանիելյանը Ղազախստանում է գտնվում իր մարզիչ Էռնեստ Միրզոյանի հետ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել