Նախագահ Սերժ Սարգսյանը օգոստոսի 14-ին շախմատի ակադեմիայում ներկա է գտնվել օգոստոսի 15-23-ը Երեւանում կայանալիք շախմատի համահայկական երիտասարդական առաջին օլիմպիադայի բացման հանդիսավոր արարողությանը: «Մեկ ազգ, մեկ մշակույթ» համահայկական մշակութային փառատոնի շրջանակներում անցկացվող օլիմպիադային կմասնակցեն բարձր վարկանիշային կարգ ունեցող շուրջ քառասուն հայ շախմատիստներ Հայաստանից, Արցախից եւ սփյուռքից: Օլիմպիադայի անցկացումը նպատակ ունի խթանելու Հայաստանի եւ սփյուռքի երիտասարդության կապերը մարզական ոլորտում, նաեւ` ներկայացնելու եւ տարածելու Հայաստանի շախմատային ավանդույթները: