Ռուսաստանի պաշտպանության նախարարությունը 350 մլն ռուբլի է ծախսել` երկրում բռնկված հրդեհները մարելու համար: Այս մասին, ռուսական ԶԼՄ-ի փոխանցմամբ, այսօր հայտնել է նախարարի տեղակալ, գեներալ-գնդապետ Դմիտրի Բուլգակովը: Վերջինս նշել է, որ ռազմածովային ուժերի մերձմոսկովյան ավիաբազայում, որն այրվել է հրդեհներից, չեն պահպանվել անվտանգության տարրական կանոնները. մինչեւ գոտկատեղ հասնող չոր խոտը հակահրդեհային գոտում հնձված չի եղել: ՌԴ նախագահ Դիմտրի Մեդվեդեւը, միջադեպի հետ կապված, պաշտոնանկ է արել ՌԾՈՒ մի շարք բարձրաստիճան ներկայացուցիչների: