Ախալցխայի Փոքր Պամաճ գյուղում վերանորոգվում է գյուղի Սուրբ Խաչ եկեղեցին: Ներկայումս ավարտվել են եկեղեցու ներքին և արտաքին հարդարման աշխատանքները եւ սկսվել է խորանի վերանորոգումը, որից հետո եկեղեցին կրկին կօծվի եւ կսկսի գործել Փոքր Պամաճ գյուղի բնակիչների համար:

«Ախալցխայի վերածնունդ» կայքէջը տեղեկացնում է, որ եկեղեցու վերանորոգումն իրականացվում է տեղի քահանա Տեր Մովսեսի նախաձեռնությամբ` անհայտ բարերարի աջակցությամբ:

Փոքր Պամաճ գյուղի Սուրբ Խաչ եկեղեցու հիմնադրման թվականը ճշգրիտ չէ, սակայն եկեղեցու սուրբ սեղանի արձանագրությունից պարզվում է, որ կառուցվել է մինչեւ 1856թ.: Եկեղեցին մի քանի անգամ վերանորոգվել է, իսկ սովետական շրջանում փակվել է եւ հայտնվել չափազանց ամխիթար վիճակում մինչեւ 1993թ.:

Նույն թվականին և վերջին անգամ եկեղեցին վերանորոգվել է գյուղացիների եւ Հովհաննես Մանուկյանի աջակցությամբ: