Ռուսաստանում Հայաստանի դեսպանատունը Նովոռոսիյսկում գերեզմանաքարերի վնասման դեպքի առթիվ պաշտոնական պատասխան է ստացել ՌԴ արտգործնախարարությունից : Ըստ դեսպանատան հաղորդագրության` ՌԴ ներքին գործերի մարմինները հաստատել են, որ 2010թ. հուլիսի 23–24–ին անհայտ անձանց կողմից 33 գերեզմանաքար է վնասվել, որոնցից 14–ը հայկական, 19–ը՝ սլավոնական ծագում ունեն։ Դեպքի առնչությամբ քրեական գործ է հարուցվել ՌԴ ՔՕ 244 հոդվածի առաջին մասի հատկանիշներով, իսկ նմանատիպ վանդալիզմները կանխելու նպատակով գերեզմանատան հարակից տարածքում հսկողություն է իրականացվում։ ՌԴ ԱԳՆ պատասխանում նաև նշվում է, որ «կատարված հանցագործության ազգայնական երագնավորումը օբյեկտիվորեն չի հաստատվել»։ Միջոցառումներ են իրականացվում վանդալիզմի հետևանքները վերացնելու ուղղությամբ։