Սինգապուրում ընթացող առաջին պատանեկան օլիմպիական խաղերում մեր թիմին երկրորդ բրոնզե մեդալն է բերել ազատ ոճային ըմբիշ Արտակ Հովհաննիսյանը: Մինչեւ 46 կգ քաշային կարգում մեր ըմբիշը երրորդ տեղի համա պայքարում 3-1 հաշվով հաղթել է վենեսուելացի Էնդրի Դավիլային: Ոսկե մեդալը նվաճել է Ալդար Բալժինիմաեւը, որին էլ խմբային փուլում պարտվել էր Հովհաննիսյանը: Հիշեցնենք, որ երեկ բրոնզե մեդալ էր նվաճել ծանրորդ Սմբատ Մարգարյանը: